Sunnfjord, Suldal og Bergen er gode på lokaldemokrati

Desse sju kommunane skal vise korleis innbyggjarar på ulike måtar kan påverke avgjerder som får betydning for lokalsamfunnet dei bur i.

Blant anna skal dei vidareutvikle nye ordningar:  

Innbyggjarpanel, nærmiljøråd, Bylab, medverknadsordningar for fleirkulturelle, grendeutval og breiare og tidlegare involvering i budsjett, er døme på ordningar som kommunane skal arbeide med og utvikle vidare.

Tidlegare styreleiar i KS, no kommunal- og distriktsminister, Bjørn Arild Gram, har valt ut dei sju kommunane som skal delta i programmet.

– For å ta gode avgjerder er det viktig at dei folkevalde har god kunnskap om kva innbyggjarane meiner, seier Gram.

Digitalt utanforskap
Sunnfjord kommune har som mål å motverke det digitale utanforskapet. Dei ønskjer å utvikle ein strategi som skal auke deltaking og involvering, særleg retta mot utvalde målgrupper.

Grendeutval
I Suldal er det sju grender med barnehagar, skular eller oppvekstsenter. I denne kommunen er målet å utvikle demokratiet og styrke grendeutvala.

Senter for innbyggjarinvolvering
Bergen kommune skal etablere bydelsutval og etablere senter for innbyggjarinvolvering. Fleire prosjekt er allereie i gang.

Her kan du lese kva alle dei sju kommunane skal vidareutvikle.

- Det er viktig å understreke at det ikkje finst éin god måte å styrke lokaldemokratiet på. Vi har valt ut kommunar som representerer ulike lokaldemokratitiltak i kommunar med ulike lokale forhold, seier Bjørn Arild Gram.

- Erfaringane skal delast med resten av kommune-Norge, og inspirere kommunar med ulike føresetnader til å legge til rette for demokratisk deltaking frå innbyggjarane, seier kommunal- og distriktsministeren.

Kjelde: Kommunal rapport