Parlamentarisme som styringsform på regionalt nivå

Innbyggarane sine haldningar og kunnskapar om fylkeskommunen er i lita grad prega av styreform. Interessa for fylkeskommunale saker er relativt høg – berre 20% oppgjev å vere uinteresserte i sakene som blir behandla på fylkeskommunalt nivå. 1 av 5 har kontakta enten ein fylkespolitikar eller ein tilsett i fylkeskommunen. Stor variasjon mellom fylka i kjennskapen til fylkesordføraren og partiet han/ho representerer. Omtrent halvparten kjenner til at fylkeskommunen har ansvaret for vidaregåande opplæring og samferdsel, men framleis trur 20% at sjukehusa sorterer under fylkeskommunen. Kunnskapen om styringsform er i noka grad høgare i kontrollfylka enn i fylka som har innført parlamentarisme.